पुतनीवर बलात्कार करणाऱ्यास 20 वर्षे सश्रम कारावास व 1,75, 000/- रुपये द्रव्यदंडाची शिक्षा. P10NEWS

 मंदीप एम गोरडवार मुख्य संपादक (EDITOR IN CHIEF)

 स्वतः चे पुतनीवर बलात्कार करून जिवे मारण्याची धमकी देणा-या आरोपीस (मावस काका) २०वर्ष सश्रम कारावास व 1,75,000/- रुपये द्रव्यदंडाची शिक्षा ठोठावण्यात आली.                   

    गडचिरोली येथील मा. अप्पर जिल्हा व सत्र न्यायाधीश,  श्री. उत्तम एम. मुधोळकर यांचा न्यायनिर्णय.                                                                                                                गडचिरोली/ दिनांक/28 - सविस्तर वृत्त असे आहे की, दिनांक 06/10/2019 रोजी पिडिता वय 15 वर्षे ही आपले आई -वडिलाच्या गावावरुन दसरा सणानिमित्य पिडितेची मावशी रा. भामरागड हिचेकडे गेली होती. पिडितेचे मावशीचे घरी आरोपी नामे दल्लु मडावी (मावश काका) , वय 29 वर्षे तसेच त्यांची मोठी मुलगी - 3 वर्षे , मुलगा -01 वर्षे , आणि पिडिता हि हजर होती.                                                                                                                                                                   दिनांक 11/10/2019 रोजी सकाळी 09:00 वाजता पिडितेची मावशी हि जि. प. प्रा.  शाळे झारेवाडा येथे शिक्षिका असल्याने मुलाला घेऊन शाळेत गेली तेव्हा पिडीता हि घरी एकटीच होती. आरोपीची मुलगी झोपी गेल्यानंतर आरोपी याने जेवण वाढून मागितले. व पिडीता ही पलंगावर बसून टीव्ही बघत असताना आरोपी जेवण झाल्यानंतर तिच्याजवळ येवुन तुला एक गोष्ट सांगतो असे म्हणून पिढीतेल जवळ घेऊन तिच्या तोंडाला ओढणी बांधून पिडीतेवर जबरी संभोग केला व झालेल्या घटनेबाबत कोणालाही सांगीतले तर तुला मारुन टाकतो अशी धमकी दिली. तसेच घडलेली घटना पिडीतेनी आई॒॒॒-वडिल व मावशी हिला सांगितले. पिडीतेच्या आई-वडील यांना माहिती कळताच पिडीतेला घेऊन आरोपी यांचे विरुद्ध पोस्टे भामरागड येथे येऊन वरीलप्रमाणे घडलेली घटनेची तोंडी रिपोर्ट दिल्यावरुन अप क्र. 35/2019 कलम 376 (3), 506 भादवी, अन्वये गुन्हा नोंद केला व दिनांक 12/10/2019 , रोजी आरोपी याला अटक करण्यात आली.                                                                                 सदर घटनेची पोलिस यंत्रणेने कौशल्यपूर्ण तपास करुन आरोपी विरुद्ध सबळ पुरावा मिळुन आल्याने मा. न्यायालयात दोषारोप आरोप दाखल केले असता से. के. क्र. 75/2019 अन्वये मा. सत्र न्यायालयात खटला चालवुन आज दिनांक 28/08/2023 रोजी मा. अप्पर जिल्हा व सत्र न्यायाधीश, श्री उत्तम एम. मुधोळकर सरकारी पक्षाचा युक्तिवाद व साक्षदारांचे बयान ग्राहय धरुन कलम 376(3), 506 भादवी सह कलम 4 बाल. लै. अ. प्रति. कायदा अन्वये 20 वर्षे सश्रम कारावास व 1, 75,000/- रुपये द्रव्यदंडाची शिक्षा ठोठावण्यात आली व दंडाची रक्कम ही पिडितेला पुर्नवसन व वैद्यकीय उपचाराकरिता देण्याचा आदेश करण्यात आला.                                                                                                    सरकार पक्षातर्फे जिल्हा सरकारी वकील अनिल एस. प्रधान यांनी कामकाज पाहिले तसेच गुन्हाचा तपास पोउपनि/सुरज सुसतकर, पोलीस स्टेशन भामरागड यांनी केले तसेच संबंधित प्रकरणात साक्षदारांशी समन्वय साधून प्रकरणाची निर्गती करिता कोर्ट पैरवी अधिकारी व कर्मचारी यांनी खटल्याच्या कामकाजात योग्य भुमिका पार पडली.

                          मंदीप एम गोरडवार मुख्य संपादक                                          (EDITOR IN CHIEF)