गडचिरोली पोलिस दलाच्या माध्यमातून 2640 विद्यार्थ्यांनी दिला सराव पेपर. "प्रोजेक्ट उडाण" . P10NEWS

P10NEWS July 16, 2023

मंदीप एम गोरडवार मुख्य संपादक (EDITOR IN CHIEF)

गडचिरोली पोलिस दलाच्या माध्यमातून 2640 विद्यार्थ्यांनी दिला सराव पेपर. "प्रोजेक्ट उडाण"

"एक गाव एक वाचनालय" अंतर्गत नोंदणी केलेल्या विविध पोस्टचे/उपपोस्टे/ पोमके स्तरावरुन एकुण 2640 विद्यार्थ्यांनी दिला सराव पेपर.

गडचिरोली/दिनांक,15 - गडचिरोली जिल्ह्यातील बहुतांश विद्यार्थी हे दुर्गम- अतिदुर्गम भागात राहतात. त्यामुळे तेथील विद्यार्थ्यांना योग्य मार्गदर्शन व संधीचा अभाव आहे. तसेच दुर्गम-अतिदुर्गम भागात राहणाऱ्या विद्यार्थ्यांना स्पर्धा परीक्षा बद्दल असलेल्या अज्ञानामुळे त्यांना मिळत नसलेल्या योग्य मार्गदर्शनाचा अभावामुळे विद्यार्थी हे स्पर्धा परीक्षेत मागे पडत आहेत. करिता शालेय विद्यार्थांमध्ये वाचनाची स्पर्धा परीक्षा विषयीची ओढ निर्माण व्हावी.

त्यांची उज्ज्वल भविष्याकडे वाटचाल व्हावी. व त्याचा स्पर्धा परीक्षेकडे कल वाढावा तसेच स्पर्धा परीक्षेच्या मुख्य प्रवाहात आणण्यासाठी गडचिरोली पोलिस दल पोलिस दादालोरा खिडकीच्या माध्यमातून व यशोरथ स्पर्धा परीक्षा टेस्ट सिरीज, मुंबई यांच्या संयुक्त विद्यमाने "प्रोजेक्ट उडाण" अंतर्गत आज दिनांक 15/07/2023 रोजी गडचिरोली पोलिस मुख्यालय येथील शहिद पांडु आलाम सभागृह तसेच एक गाव एक वाचनालयाअंतर्गत गडचिरोली जिल्ह्यातील पोस्टचे/ उपपोस्टे/ पोमके ठिकाणी उभारण्यात आलेल्या प्रत्येक वाचनालयामध्ये मोफत स्पर्धा परीक्षा सराव पेपर क्रं . 01 टेस्ट सिरीज चे आयोजन करण्यात आले. याचा उपयोग विद्यार्थ्यांना येणाऱ्या तलाठी . वनरक्षक, संयुक्त परिक्षेकरीता होणार आहे.

यावेळी सदर स्पर्धा परीक्षा सराव पेपर करिता पोलिस मुख्यालय व विविध पोस्टे/ उपपोस्टे/ पोमके स्तरावरुन एकुण 2640 विद्यार्थ्यांनी परीक्षा दिली. दुर्गम भागातील भामरागड , अहेरी, एटापल्ली, हेडरी,व सिरोंचा या ठिकाणी ही विद्यार्थ्यांनी उत्स्फूर्त प्रतिसाद दिला. अनेक ठिकाणी वाचनालय तसेच ग्रामपंचायत कार्यालयाच्या ठिकाणी परिक्षा घेण्यात आल्या. या आयोजित सराव पेपर दरम्यान मा. अपर पोलीस अधीक्षक श्री. अनुज तारे सा. मा. अपर पोलीस अधीक्षक श्री. कुमार चिंता सा. यांनी शहिद पांडु आलाम सभागृहामध्ये घेतलेल्या सराव पेपरला उपस्थित 730 विद्यार्थ्यांना मार्गदर्शन केले. व भविष्यात येणाऱ्या तलाठी, वनरक्षक इ. परिक्षांचे सराव पेपर सुरू करत असल्याबाबतची माहिती दिली. या कार्यक्रमात मा.पोलिस अधीक्षक श्री नीलोत्पल सा.मा. अप्पर पोलीस अधीक्षक (अभियान) श्री. कुमार चिंता सा. हे उपस्थित होते. सदर कार्यक्रमाच्या यशस्वीतेसाठी जिल्ह्यातील सर्व उपविभागीय पोलिस अधिकारी , पोस्टे/ उपपोस्टे /पोमकेचे सर्व प्रभारी अधिकारी तसेच नागरी कृती शाखेचे प्रभारी अधिकारी पोउपनि , धनंजय पाटील व सर्व पोलिस अमंलदार यांनी अथक परिश्रम घेतले.

मंदीप एम गोरडवार मुख्य संपादक. ( EDITOR IN CHIEF).